Në mbledhjen e Kominisonit të Sigurisë, deputeti i PD Ervin Salianji ka pyetur ministrin e Mbrojtjes, Niko Peleshi lidhur me rastin e majorit Ermal Dinoshi i cili u kap me një fermë kanabisi. Saliaji e pyet ministrin nëse ky rast është dërguar në prokurori, por ministri i përgjigjet se rëndësi ka çfarë qëndrimi mban qeveria.
“Janë fenomene që ndodhin. Forca e Armatosur ka rreth 10 mijë personel ushtarak dhe civil dhe që patjetër mund të ketë edhe fenomene të tilla. E rëndësishme është çfarë qëndrimi mbajmë ne në këto raste. E kemi pezulluar majorin, është kthyer në Shqipëri. Kemi qenë në komunikim të vazhdueshëm me organet e drejtësisë në vendin ku ka ndodhur kjo vepër. Presim përfundimin e procesit aty dhe më pas në varësi të përfundimit të procesit do të procedojmë. Është referuar në vendin ku ka ndodhur. Ne jemi në komunikim. Sapo të përfundojë procesi atje, do ti referohet dokumentacioni prokurorisë. Ne nuk mund të bëjmë dy procese paralele.”- tha ministri.
Deputeti i PD Salianji nuk është ndalur me përgjigjien e ministrit të Mbrojtjes duke e pyetur se si kanë reaguar autoritetet shqiptare pasi majori është arrestuar në Holandë.
“Ministri thotë fenomen që ndodh që majori merret me kanabis. Unë them si kanë reaguar autoritetet shqiptare se atje e kanë kapur autoritetet e shtetit holandez. Nuk është fenomen që ndodh ky, është fenomen që nuk ka ndodhur ndonjëherë.”- tha Salianji./Opinion.al
