Ka dalë para gjykatës nëna lehonë, Diana Bahçja, e cila u arrestua 8 ditë pasi lindi djalin e saj, pasi kishte marrë një gjobë prej 250 mijë Lekësh që për shkak të mos pagesës iu konvertua në një muaj burg.
Gjatë seancës gjyqësore organi i akuzës është shprehur se nuk është shlyer gjoba dhe për këtë arsye, prokuroria ka vënë në lëvizje gjykatën për të bërë konvertimin e gjobës në burg.
Ndërkaq pala mbrojtëse u shpreh: “Ne kemi bërë dy kërkesa, shtyrja e afatit të ekzektutimit të vendimit derisa fëmija të bëjë 1 vjeç dhe po ashtu pezullimin e vendimit me burg. Kërkojmë lirimin e menjëhershëm nga burgu për shkak të fëmijës së mitur që është vetëm 20 ditësh”.
