Sekretari i Përgjithshëm i Bashkisë së Vaut të Dejës, dhe ish-administratori i kësaj njësie, Mark Zhuri ditën e sotme akuzoi shefin e komisariatit të Policisë, Bardhyl Saliu se ka kanabizuar territorin e kësaj Bashkie.
Në lidhje me këtë ka reaguar shefi i komisariatit të Vaut të Dejës, Bardhyl Saliu, i cili u shpreh se akuzat e ngritura ndaj tij, nuk qëndrojnë. Po ashtu, Saliu tha se në lidhje me këto pretendime, grupe nga Tirana kanë kontrolluar disa herë territorin.
‘Unë zotit Zhuri i kam bërë kallëzim në prokurori që më 9 shtator të këtij viti. Ato që ai shkruan dhe akuzon nuk qëndrojnë. Për këto pretendime ka patur grupe që kanë ardhur dhe kanë kontrolluar territorin nga Tirana jo vetëm njëherë por disa herë. Unë nuk kam ndërmend të merrem me akuza e kundërpërgjigje të tilla, kam 37 vite në Policinë e Shtetit dhe jam në këto detyra me integritet pa ndihmën e askujt, por duke dhënë kontributin tim profesional.’- tha Saliu./Opinion.al
