Bledar Beluli, efektivi i RENEA-s i cili ditën e sotme aksidentua në Theth, po transportohet me helikopterin e Forcave Ajrore drejt Tiranës.
Beluli ka dëmtuar gjymtyrët për shkak të lartësisë që ai është rrëzuar. Efektivi është marrë nga fshati Nderhysaj, Njësia Administrative, Shalë.
Sipas informacioneve, efektivi nuk ishte në detyrë, por ishte me miqtë e tij për alpinizëm kur është rrëzuar në një greminë 150 metra. Për më shumë se 3 orë efektiv i RENEA-s mbeti i bllokuar në Malin e Zorgjit.
Për shkak të terrenit shumë të vështirë ndërhyrja nga ajri ishte e pamundur, ndaj drejt zonës shkuan efektivët e FNSH, të cilët arritën që të nxjerrin policin nga gremina.
Mësohet se ai u transportua me barelë në këmbë deri në fshatin Ndërhysaj, ku më pas u mor me helikopter. Ndërkohë, bëhet me dije se gjendja e tij shëndetësore është mjaftë e rëndë./ Opinion.al
