Një ndryshim i papritur i programit në Hanoi të Vietnamit të lë të kuptosh se takimi mes Donald Trump dhe diktatorit Kim Jong-un nuk ka shkuar siç duhet. Konferenca për shtyp e presidentit amerikan u dha më parë nga ç’ishte parashikuar. Të dy liderët ikën nga hotel “Metropole”, aty ku parashikohej të firmosej marrëveshja, dhe kanë shkuar në hotelet respektive duke anuluar darkën e fundit të përbashkët.
“Punojmë për paqen, takimi ishte produktiv, por është ende herët për të firmosur diçka”, u shpreh Donald Trump gjatë konferencës për shtyp. Ndërkohë edhe Kim Jong-un i është përgjigjur për herë të parë pyetjes së një gazetari të huaj, duke thënë për marrëveshjen se “Nëse unë nuk jam i gatshëm ta bëj, nuk do të isha këtu tani”.
Ndërkohë Shtëpia e Bardhë ka njoftuar se në të ardhmen pritet një takim i dytë mes dy liderëve. “Dy liderët kanë diskutuar disa mënyra për të çuar përpara denuklearizimin e Koresë si edhe kanë folur për çështje ekonomike. Këtë herë nuk është arritur asnjë marrëveshje, por stafet respektive do të shihen së shpejti”, ka thënë zëdhënësja e Shtepisë së Bardhë, Sarah Sanders./Opinion.al
