Është mbyllur pas 20 minutash seanca plenare pasi opozita ka shkaktuar kaos duke përmbysur karriget e deputetëve, duke ndezur tymuese dhe duke shkaktuar zhurmë dhe rrëmujë.
Nikolla deklaroi të mbyllur seancën e sotme, ndërsa deklaroi se do të njoftohen për mbledhjen e ardhshmë.
Sot salla e Kuvendit u mbulua nga tymi, ndërkohë që socialistët kanë qëndruar në seancë, duke votuar me kartona projektligjet në rendin e ditës.
Kryetaren e Kuvendit e zuri disa herë kolla për shkak të tymëseve të hapura nga Samir Korreshi, por me karton në dorë miratoi me 75 vota pro “Projektligjin “Për ratifikimin e marrëveshjes se huas, ndërmjet Republikës se Shqipërisë dhe Bankës Ndërkombëtare për Rindërtim dhe Zhvillim, për financimin e projektit “Aftësia ripërtëritëse e pare dhe zhvillimi i gjelbër- hua për politikat e zhvillimit””.
Ndërkohë që nisma e tjera në agjendë kanë qenë propozimet e opozitës, të cilat u rrëzuan në bllok nga socialistët./opinion.al
