Kylie Jenner është bërë nënë disa ditë më parë, duke sjellë në jetë vajzën e saj Stormie. Por pa kaluar mirë koha,ish i dashuri i saj Tyga ka bërë një deklaratë e cila po trondit të gjithë fansat e Kylie. Ai po pretendon se fëmija është i tiji dhe jo i Travis Scott, partnerit aktual të Kylie, dhe babait të deklaruar të vajzës.
Një burim pranë reperit ka deklaruar se Tyga ka kërkuar një test ADN-je pasi dyshon se mund të jetë babai i Stormi-t. Tyga ka thënë se ai dhe Kylie kanë qenë seksualisht aktivë 9 muaj më parë, kohë kur dhe është ngjizur fëmija.
Mësohet se ai u ka thënë miqve se e ka marrë malli për Kylie-n dhe dëshiron të shohë fëmijën. Kujtojmë se në shtator të 2017-ës, Tyga bëri një postim në Snap Chat ku thoshte se ai ishte babai i fëmijës së Kylie-t. Postimi më pas u fshi menjëherë.
