Twitter deklaroi se hakerat kanë lexuar mesazhet private nga 36 llogarive, që kanë qenë të përfshira në sulm kibernetik javën e kaluar.
Javën e shkuar, hakerët kanë sulmuar llogaritë e shumë figurave të shquara politike dhe kulturore, duke iu bërë thirrje përdoruesve që të dërgojnë monedha digjitale Bitcoin.
Kuletat e Bitcoinit besohet se kanë arritur të marrin më shumë se 100,000 dollarë të monedhës digjitale, përpara se mesazhet mashtruese të hiqeshin nga Twitter.
Twitter tha se 130 llogari kanë qenë në shënjestër të sulmit, i cili ka ekspozuar informacione personale, përfshirë adresa të emailit dhe numra telefoni.
Twitter tha se njëra llogari i përkiste një zyrtari holandez. Edhe pse kompania nuk e emëroi zyrtarin e prekur, mediat lokale thanë se ka të ngjarë që ai është politikani i ekstremit të djathtë, Geert Wilders.
Komiteti i Tregtisë i Senatit të Shteteve të Bashkuara ka kërkuar nga Twitter që të dëshmojë për incidentin./Opinion.al
