Situata në Siri është ende e brishtë, ndërsa në mbarë vendin po ç’armatosen grupet rebele që nuk janë pjesë e autoriteteve qeveritare.
Kamera e televizionit Klan dhe emisionit “Opinion” ka hyrë në Damask, duke u bërë kështu kamera e parë e një televizioni shqiptar që na tregon realitetin nga Siria, me anë të gazetarit Blendi Fevziu.
Krah dy sirianëve, Fevziu mëson prej tyre se situata në qytet është mjaft e qetë.
“Këtu jemi në hyrje të Damaskut, praktikisht vetëm 4 kilometra nga këtu hyhet në qendër të Damaskur, pra është qendra e periferive. Po të vësh re deri tani gjithçka që kam parë nga kufiri deri këtu situata është normale. Siguria kërkohet më shumë si një pjesë shtete, sepse thonë që qyteti është shumë i sigurt. Kemi parasysh që sirianët në vetvete janë nga vendet më miqësore, nga popujt më miqësorë, por deri tani nuk kemi pasur asnjë problem. Duket vetëm një pjesë e makinave të shkatërruara që kanë qenë në momentin që është marrë Damasku edhe pse është marrë pa luftë. Është ndoshta kamera e parë shqiptare që hyn në Damask. Mesa di unë është një shqiptar i Kosovës që ka hyrë përpara, por kjo kamera e emisionit “Opinion” dhe televizionit Klan është kamera e parë që ka hyrë në Damask. Ne do të vazhdojmë me dy makinat e shoqërimit drejt qytetit”, thotë Fevziu.
Duket se thirrjet më të fuqishme të shteteve të botës për paqe dhe stabilitet në Siri po zbatohen. Pritet të mësojmë më shumë, pasi kamera e Tv Klan të sjellë pamje nga realiteti brenda në Damask. Më herët Fevziu ndau një video nga kufiri mes Sirisë dhe Jordanisë, ku theksoi numrin e lartë të refugjatëve drejt Sirisë.
Sirianët, por dhe emigrantë nga vende të ndryshme të globit po kthehen në Siri pas rrëzimit 24-vjeçar të pushtet të Bashar al-Assad, Dhjetorin e kaluar./tvklan
