Policia italiane ka shkatërruar bandën shqiptare që merrej me shfrytëzimin e femrave për prostitucion. Mësohet se në pranga kanë përfunduar 22 persona. Janë pothuajse të gjithë meshkuj shqiptarë përveç 1 femre rumune. Arrestimet janë kryer në rajonin e Lombardisë, ku banda kriminale zhvillonte aktivitetin e saj.
Grupi i prostitucionit është zbuluar falë një hetimi nga prokuroria e Milanos. Ndërkohë, mediat italiane raportojnë se viktimat e bandës kriminale që shfrytëzoheshin për prostitucion ishin 25 të reja, shumë prej të cilave shqiptare, por kishte edhe nga Bullgaria, Moldavia, Polonia, Rumania dhe Hungaria.
Gjatë operacionit për arrestimin e tyre është sekuestruar edhe një shumë prej 25 mijë eurosh, që mendohet se janë përfituar nga aktiviteti kriminal.
