Turqia vijon të shënojë progres të jashtëzakonshëm në teknologji. Pas krijimit të markës vendase të automobilave dhe trenit të shpejtësisë së lartë, së fundmi në Stamboll është testuar me sukses dhe makina e parë fluturuese.
Prototipi i këtij mjeti fluturues quhet “Cezeri” dhe është krijuar nga kompania turke “Baykar”, e njohur për prodhimin e dronëve, sistemeve të kontrollit, simulatorëve etj.
Në testimin e parë, prototipi arriti të fluturonte deri në 10 metra lartësi.
Sipas shefit të teknologjisë së kompanisë, makinës fluturuese “Cezeri” do t’i nevojitet ende kohë për të dalë në rrugë, por shumë shpejt ajo mund të përdoret për qëllime argëtuese dhe jo vetëm. /Opinion.al
