Turqia ka nisur fushatën ushtarake në lindje të Eufratit në kufi me Sirinë.
Aksionet filluan me anë të artilerisë dhe gjatë mbrëmjes kanë vijuar me bombardime ajrore ndaj bazave të kurdëve të YPG që deri pak kohë më parë bashkëpunonin me forcat amerikane në luftën kundër organizatës terroriste ISIS.
Mediat e huaja, raportojnë se avionët turq kanë fluturuar mbi Sirinë e veriut duke bombarduar pozicionet e kurdëve pranë Raqqas, dikur kryeqyteti i të ashtuquajturit Shteti Islamik.
Ofensiva e ushtrisë turke nisi pas tërheqjes së trupave amerikane nga zona, të cilët shërbenin si një garanci për kurdët se nuk do të sulmoheshin. Këta të fundit janë ndjerë të tradhtuar nga Shtëpia e Bardhë dhe premtojnë që ky veprim do të shkaktojë një luftë të hapur mes tyre dhe forcave turke.
Zyrtarisht objektivi i aksioneve turke është “neutralizimi i terroristëve” që sipas presidentit Erdogan ndodhen në atë zonë. Në një postim në Twitter, ministria e Mbrojtjes e Turqisë, theksoi se ata do të bënin çdo gjë për të siguruar stabilitetin e kufijve të vendit. /Opinion.al
#BREAKING: Reports: Turkish warplanes have bombed the Semelka Border Crossing at the Syria-Iraq border
pic.twitter.com/4Pi1mAratB— Amichai Stein (@AmichaiStein1) October 7, 2019
