Ministri turk i Mbrojtjes Hulusi Akar tha se marrëveshja që lejon eksportin e grurit ukrainas përmes Detit të Zi do të zgjatet përtej afatit të 18 marsit, sikurse raporton “The Guardian”.
Marrëveshja e parë midis Rusisë dhe Ukrainës u arrit në korrik me ndërmjetësimin e Stambollit dhe OKB-së dhe synonte të parandalonte një krizë globale ushqimore duke lejuar eksportin e sigurt të drithit ukrainas të bllokuar nga pushtimi rus nga tre porte.
Në nëntor ai ishte zgjatur për 120 ditë, me një rinovim automatik të planifikuar për 18 mars në rast se asnjëra palë nuk kishte kundërshtuar. Moska ka thënë se do të pranojë një zgjatje vetëm nëse hiqen kufizimet që prekin eksportet e saj.
Nesër, më 13 mars, është caktuar një takim në Gjenevë me Kombet e Bashkuara për të gjetur një zgjidhje./Opinion.al
