Turqia ka dënuar me 22 vite burg ish-deputeten Partisë opozitare Demokratike të Popujve (HDP), Leyla Güven, duke e akuzuar atë se ka qenë anëtare e një grupi të armatosur terrorist.
Më 4 qershor, parlamenti turk revokoi vendin e Güven-it. Ndërkohë vendimet përfundimtare të procedimit gjyqësor mbi deputeten e HDP-së u lexuan në asamblenë e përgjithshme
Ndërkohë, HDP tha se do të apelojë kundër dënimit, ndërsa Güven nuk ndodhej në gjykatë në momentin e dënimt dhe për këtë arsye për atë ka një urdhër arresti.
Ish deputetja është dënuar me burg, një ditë pasi parlamenti hoqi imunitetin e deputetit. HDP akuzohet nga qeveria turke se ka lidhje me grupin terrorist YPG/PKK.
PKK-ja e listuar si një organizatë terroriste nga Turqia, SHBA dhe BE, ka qenë përgjegjëse për vdekjen e gati 40.000 njerëzve, përfshirë gra, fëmijë dhe foshnja.
Në vitet e fundit qeveria turke ka arrestuar dhjetëra udhëheqës të HDP dhe zyrtarë lokalë, duke i akuzuar ata për lidhje me PKK.
