Më shumë se 8,500 luftëtarë të huaj janë dëbuar nga Turqia që nga fillimi i luftës civile siriane 10 vjet më parë, tha të shtunën Ministria e Brendshme turke.
Të dyshuarit për terrorizëm nga 102 vende të botës u dëbuan, përfshirë 44 nga SHBA dhe 1,075 nga shtetet e BE-së.
Ministria tha se ata u deportuan si rezultat i përpjekjeve të Turqisë për të rritur nivelin e sigurisë brenda dhe jashtë kufirit që nga viti 2011. Të dëbuarit ishin larguar nga vendet e tyre për t’iu bashkuar grupeve të tilla si Shteti Islamik dhe Partia Punëtorët e Kurdistanit (PKK) si dhe dega e saj në Siri./Opinion.al
