Ministri i Jashtëm gjerman ka kritikuar Turqinë për vendimin për të dëbuar tre gazetarë gjermanë. Heiko Maas ka deklaruar se vendimi është i papranueshëm dhe se do të veprojë kundër tij.
Tre gazetarëve iu dhanë 10 ditë për të lënë vendin. Është hera e parë që Ankaraja zyrtarisht i heq akreditimin gazetarëve të huaj, duke ngritur shqetësimin për lirinë e shtypit në vend.
Një zëdhënës i presidentit turk ka mohuar zërat se qeveria po përdor dorë të hekurt ndaj gazetarëve. Dy prej gazetarëve u larguan nga Turqia ditën e diel, ndërsa tjetri ishte larguar më herët.
Ata janë: Thomas Seibert i gazetës Tagesspiegel; Jörg Brase i ZDF dhe Halil Gülbeyaz i NDR TV./ Opinion.al
