Policia turke ka arrestuar një komandant të lartë të grupit militant Shteti Iskamik/
Mahmut Ozden “ka pasur plane të rëndësishme” dhe ka marrë urdhra për të kryer një sulm, tha ministri i Brendshëm i Turqisë, Suleyman Soylu.
Ai u arrestua në provincën Adana dhe Soylu tha se operacioni kundër figurave të tjera të Shtetit Islamik është në vazhdim e sipër.
Shteti Islamik e ka shpallur zyrtarisht praninë e tij në Turqi në vitin 2019 dhe ka kryer disa sulme në këtë vend.
“[I dyshuari] ka marrë vazhdimisht urdhra nga Iraku dhe Siria për të kryer një sulm në Turqi”, tha Soylu të martën. Ai njoftoi për arrestimin në Twitter dhe e përgëzoi policinë.
Sipas ministrit, Ozden ka planifikuar të kryejë sulme me një grup prej 10 deri në 12 terroristësh. Soylu iu referua Ozdenit si “emir” i grupit në Turqi./REL
