Koronavirusi vijon të përhapet në Turqi. Ministri i Shëndetësisë, Fahrettin Koca, ka njoftuar se numri i viktimave nga koronavirusi në Turqi është 4.515. Sipas të dhënave, në 24 orët e fundit janë regjistruar 26 viktima.
Ministri po ashtu njoftoi se numri i të infektuarve është në 163.103, me 983 raste të reja të zbuluara në 24 orët e fundit.
Koca tha se 1.021 pacientë të tjerë janë shëruar nga virusi,ndërsa numri i përgjithshëm i të shëruarve ka shkuar në 126.984. Gjithsej 649 pacientë po trajtohen në kujdes intensiv në spitale brenda vendit.
Sipas të dhënave nga Universiteti John Hopkins me qendër në SHBA, pandemia ka marrë jetën e mbi 366 mijë personave, me pothuajse 5.9 milionë raste të zbuluara dhe mbi 2.5 milionë të shëruar./ Opinion.al
KOMENTO (0)
