Një konflikt i çastit për motive të dobëta ka çuar në vrasjen me armë zjarri në mes të rrugës së një çifti në Turqi.
Sipas “Hurriyet”, ngjarja e rëndë ka ndodhur në distriktin Akhisar të provincës ë Manisës, afër Izmirit rreth orës 15:30 të së shtunës.
Sipas raportimeve paraprake, autori i krimit fillimisht ka debatuar ashpër me çiftin e bashkëshortëve Mehmet dhe Zeynep Kaya në rrugë, e më pas ka nxjerrë nga beli pistoletën duke i qëlluar me plumba në kokë.
Në vendngjarje ka mbërritur menjëherë ambulanca, por as burri e as gruaja nuk arriti tu mbijetojë plagëve.
Autori i krimit ndërkohë ka arritur të largohet nga vendi i ngjarjes. Policia ka nisur një operacion të gjerë për kapjen dhe arrestimin e tij./tvklan.al
