Kryeministri Edi Rama është pyetur gjatë një interviste në “Opinion” lidhur me akuzat e Partisë Demokratike për një telefonatë të tij ndaj Manjola Cakonit, gruas që kishte humbur burrin dhe vajzën në tërmetin e 26 Nëntorit.
Sipas PD që ka publikuar një intervistë me zonjën në fjalë, Rama e kishte telefonuar gruan duke ju drejtuar me fjalët: Turp të ketë Manjola. Kjo sepse zonja Cakoni ishte shprehur në media që nuk kishte marr mbështetje nga shteti pas tragjedisë në familje.
“Jam shumë i keqardhur me hieno-politikën në përgjithësi dhe hineo-politikën e PD në veçanti, që nuk lë rast pa përdorur fatkeqësitë njerëzorë dhe përsëri të peshkojë në turbullirën që tenton të krijojë, duke manipuluar ndjenja njerëzore. I vetmi koment që mund të bëhet është mbi faktet. Kush do faktet le t’i shohë. Unë jo vetëm nuk kam braktisur asnjë familje, por nëse ata që humbën nuk u’a kthej dot unë të gjitha këta njerëz do t’i kthej në një jetë të re në kushte që as i kishin as nuk do t’i kishin patur nëse fatkeqësia nuk do t’ju kishte ardhur”, tha Rama./ Opinion.al
