Turjan Hyska iku nga televizioni “Vizion Plus” për të provuar veten.
Kështu është shprehur ai në një intervistë për “KafeIN”. Ai foli gjithashtu dhe për eksperiencën e tij në televizionin “Klan”.
Turi u shpreh se e vetmja arsye përse u largua nga “Vizion Plus” është sepse donte të sfidonte veten. Ai dhe madje nuk e ka menduar aspak riskun e dështimit që mund të sjellë kjo gjë:
“Unë lëviza nga një vend ku kisha të gjithë komoditetin, gjithë mirësinë, gjithë dashurinë rreth e rrotull, nga zona ime e komfortit. Aty nuk ka qenë zonë komforti, aty e kam fituar dhe në këtë sens lëviza për adrenalinë dhe për sfidë. Pastaj kur i hyn sfidës gjithmonë ka një risk dështimi dhe këtë nuk e kam menduar gjatë”.
Turi tha se nuk e ka menduar asnjëherë largimin nga tv “Klan” si një problem, por më tepër ka menduar largimin nga “Vizion Plus”, ku kishte 14 vjet që punonte:
“Shkova si fëmijë dhe aty jam thinjur”, u shpreh ai.
