Nga DRINI ZEQO –
Sapo kaluam mesin e korrikut, praktikisht gjysmën e verës e kemi lenë pas. Sezoni nisi pak më vonë se zakonisht kjo per shkak të motit i cili ka qënë i paqëndrueshëm. Këtë e konfirmojnë vetë drejtuesit e bizneseve turistike në vend.
Por megjithëse në këtë fazë duket se asgjë ose farë pak po përmirësohet në këtë drejtim. Le të marrim me rradhë disa nga problemet kryesore.
Ta nisim me atë që bëjmë të gjithë kur shkojmë me pushime, gjetjen e një dhome. Këtu nis paradoksalisht edhe stresi i parë i pushimeve. Nga eksperiencat ndër vite janë shumë të paktë ata të cilët kanë krijuar një lidhje me një hotel apo qiradhënës të caktuar, kjo për disa shkaqe. Më i rëndësishmi është se këto vende nuk ruajnë asnjeherë të njëjtin raport me cilësinë dhe cmimet. Këto të fundit ndryshojnë shpesh nga viti në vit sipas midesë së pronarëve por ajo që mbetet e pandryshuar është cilësia (jo e mirë kryesisht).
Shpesh akoma ka probleme me energjinë, më ujin (per t’u larë, se nuk dihet pse ka mbetur shprehja ujë i pijshëm se qe të pish nga rubineti nuk bëhët fjalë).Në një pjëse të madhe të hoteleve në jug të vendit për shërbimin e hotelerisë nuk sheh gjëkundi fatura tatimore. Mezi të sjellin peshqirë të pastër e shpesh tualetet i gjen bosh pa asnjë sapun minimalisht. Sapo fillon t’i kërkosh këto aksesorë bazikë fillon një ngërdheshje mes teje dhe menaxherëve e cila përfundon më pyetjen nëpër dhëmbë nëse është mengjësi i përfshirë në cmim.
Restorantet kryesisht ato në jug të cilat duhet të ishin në performancën e tyre maksimale lënë për të deshiruar. Janë me kokrra ata që kanë ruajtuar cilësinë por edhe në këtë rast per shkak të fluksit edhe ata nuk ja dalin dot.
E kështu pjesa e parë e pushimeve nis me jo pak situata të pakëndshme si këto më sipër. Por ato vijojnë sepse destinacionet që të cojne si në jug ashtu edhe në veri vendit kalojnë përmes rrugësh që janë burim aksidentesh. Autostrada me probleme të theksuara të sinjalistikës, rrugë në të cilat punohet dhe janë kthyer në një stres konstant (Lungomare) duke kaluar gjysmën e ditës në trafik. Këtë sigurisht politikanët nuk e dijnë sepse eskortat e tyre ecin me fenelina duke lënë pas re tymi sic do lërë me gjasa edhe historia e tyre në drejtimin e këtij vendi.
Zbret në plazh, sheh ende gërmadhat e lokaleve që jane prishur apo ndonjë të ri që nxiton të ndërtohet që të kapë disa fitime për aq kohë sa ka mbetur nga sezoni i verës. Mbeturinat vijojnë ende të jenë vërdallë. Për fat ato pastrohen për aq sa ju intereson nga hapësirat e pushtuara private. Shezlongjet janë thuajse ngjitur me njëri tjetrin, dhe copat e sfungjerta sipër tyre (për ato që i kanë janë qysh tani zgjyrë). Uji kryesisht ne jug ka patur raportime për papastërti. Thuhet se anijet derdhin në hapsirën tonë urjore mbetje që t’u shpëtojnë taksave në vendet e tjera.
Por e di që ndonjë lexues i vëmendshëm apo që ja di “hilet” këtyre argumentave, do thoshte, pse vetem kaq është turizmi? Sirgurisht që jo, është edhe ceshtje politikash turistike që duken të munguara. Shohim turistë të huaj, që enden si të hutuar. Unë po shtroj një pyetje, cili ka qënë prioriteti turistik i Shqipërisë ketë vit? Cfare u promovua ne Europe dhe më gjerë dhe cilat ishin efektet e këtij promovimi. Mbaj mend disa spote që promovojnë plazhet, por ato për fat na i ka falur nëna natyrë dhe askush tjetër.
Opozita si asnjëherë këtë vit nuk ngriti asnjë shqëtësim për mbarëvajtjen e sezonit turistik, aq sa edhe tentativa për të ngritur një panel debati në emisionin OPINION, ishte e vakët meqë debatuesit “përtonin” të flisnin për këtë temë.
Cialt ishin ofertat për të rinjtë këtë vit? A u favorizuan ata në ndonjë formë përmes kampeve verore apo ndonjë forme tjetër. Apo mjaftojnë fotot e tyre tek lagen me shampanjë dhe argëtimi duket maksimal. A i është sugjeruar këtij brezi se ka edhe plazhe pa pagesë. Ka edhe plazhe me ndonjë kala apo histori që vlen të vizitohet? JO.
Shqiptarët kanë pushtuar plazhet e rajonit ky është fakt. Ata ndihen të vjedhur këtu. Shpenzojnë dhe kthehen të stresuar në shtëpi. Nuk marrin asgjë në këmbim pervec bukurive të natyrës, ndaj edhe shpesh shprehja me degjuar është “C’ti bëjmë atij detit se e shikonin këta”.
Plazhet e Greqisë janë stërmbushur me Shqiptarë. Mali I Zi dhe Kroacia po ashtu. Turqia përmes ofertave turistike vijon të marrë një numër të madh turistësh nga vendi ynë. Por ata që kanë në dorë të menaxhojnë turizmin nuk duken aspak të shqetësuar, se edhe vetë pushimet i bëjnë jashtë.
