Këtë vit Shqipëria pati një rritje të madhe të numrit të turistëve që zgjidhën bregdetin tonë për të pushuar. Në emisionin “Opinion” është trajtuar tema në lidhje me këtë sektor, ku u theksua se cilat ishin disa nga pikat e përmirësuara në sektorin e turizmit dhe problemet që janë konstatuar këtë vit.
Altin Prenga nga Mrizi i Zanave, renditi disa nga problemet që përballen sipërmarrësit në këtë sektor. Ai theksoi se në zonën e veriut është problem infrastruktura dhe energjia elektrike.
Po ashtu, Prenga theksoi se përgjegjësi kanë edhe vet sipërmarrësit, të cilët duhet të tregohen më të kujdesshëm me pastërtinë, pasi jo gjithçka mund ta zgjidhin institucionet.
Altin Prenga: Avantazhet më të mëdha që ka është efekti surprizë, nuk e presin njerëzit që të kemi njëfarë standardi. Mikpritja dhe akoma nuk kemi ndryshuar si njerëz është pikë e jona e fortë. Mikpritjen e gjen dhe rrugës.
Blendi Fevziu: Çfarë të ka mërzitur këtë verë?
Altin Prenga: Ne i kemi të zakonshme, Këtu ndahemi, jemi ne sipërmarrësit dhe shteti. Unë kam pasur probleme me dritat gjatë gjithë sezonit veror dhe kam akoma.
Blendi Fevziu: Kjo është e tmerrshme të ikin dritat në mes të sezonit.
Altin Prenga: Pastaj është rruga që veriu e ka më shumë problem se jugu me thënë të drejtën. Mbeturinat janë sistemuar shumë pak.
Blendi Fevziu: Sa orë do për të mbërritur në Lezhë?
Altin Prenga: Rruga është tmerr dhe nuk po punohet, shpresojmë ta bëjnë.
