Dy turistë polakë, burrë e grua që po vizitojnë jugun e vendit janë ndaluar për drekë në zonën e Memaliaj dhe motorin e kanë lënë të parkuar para lokalit. Mësohet se turistët mbi motor kishin lënë edhe cantën bashkë me paratë, pasaportat etj. Një person pasi ka parë çantën mbi motor nuk ka nguruar ta marrë e të largohet me shpejtësi. Ngjarja është parë nga njerëzit në lokal të cilët lajmëruan policinë. Kjo e fundit, bën të ditur se është vepruar në kohë dhe është ndaluar personi që vodhi turistët.
Njoftimi i policisë për ngjarjen:
Punonjësit e Stacionit të Policisë Memaliaj, pas marrjes së njoftimit se 2 turistëve të huaj u ishin vjedhur nga motorri në parkingun e një lokali në zonën e Krahësit Tepelenë, dokumentat dhe portofoli me një sasi parash, menjëherë nisën punën për identifikimin dhe kapjen e autorit.
Si rezultat i reagimit në kohë dhe i veprimeve profesionale të kryera nga Policia lokale, pas rreth 1 ore është identifikuar autori, si dhe u ndalua rreth një kilometër e gjysëm larg vendngjarjes, së bashku me lekët dhe dokumenatat e vjedhura.
Në përfundim të veprimeve u arrestua në flagrancë shtetasi Bujar Hyseni, 44 vjeç, banues në Memaliaj.
Ai ka vjedhur nga çanta, të cilën turistët e kishin lënë mbi motor, jashtë lokalit ku po drekonin, portofolin me lekë, pasaportën dhe disa dokumenta të turistëve polakë T.C, 46 vjeç dhe A.C, 47 vjeçe, bashkëshortë.
Materialet në ngarkim të shtetasit të arrestuar i kaluan Prokurorisë pranë Gjykatës së Shkallës së Parë Gjirokastër për veprime të mëtejshme, për “Vjedhje”.
