Turizmi në Shqipëri po shënon rritje të qëndrueshme edhe jashtë sezonit veror. Sipas të dhënave të INSTAT, në muajin mars 2025, numri i vizitorëve në strukturat akomoduese u rrit me 21.9%, krahasuar me të njëjtin muaj të një viti më parë.
Sipas ekspertëve, këto rezultate tregojnë se sezoni turistik në Shqipëri po zgjatet përtej verës dhe interesimi për destinacione të reja po rritet.
Rritja e qëndrimeve nga vizitorët e huaj shihet edhe si sinjal i forcimit të turizmit si sektor strategjik i ekonomisë shqiptare.
Referuar INSTAT numri i net qëndrimeve është rritur me 30.8%, duke treguar jo vetëm më shumë vizitorë, por edhe një kohëzgjatje të qëndrimit të tyre në Shqipëri.
Zonat jo-bregdetare kanë përjetuar një rritje të vizitorëve të huaj me 20.6%, çka tregon diversifikimin e destinacioneve turistike.
Tv Klan
