Turizmi është kthyer në një burim jetik të valutës për Shqipërinë. Niveli rekord i turistëve që po vijnë në vendin tonë po ndikon në forcimin e lekut në raport me euron. Prej disa ditësh, monedha evropiane vijon të mbetet në nivelin e 97 lekëve në kursin e këmbimit valutor.
Për ekspertët, forcimi i lekut nga hyrja masive e monedhës euro kërkon në të njëjtën kohë edhe formalizim të tregut, në mënyrë që vendi të mos mbetet vetëm te sezoni veror. Vëmendje i duhet kushtuar investimeve në sektorët e tjerë, jo vetëm në turizëm.
Sipas shifrave, vetëm gjatë 4 muajve të parë të vitit 2025, vendin tonë e vizituan mbi 2.4 milionë turistë të huaj, një pjesë e mirë prej të cilëve nga vendet e Bashkimit Evropian.
Shifrat e Bankës së Shqipërisë flasin se të huajt në Shqipëri kanë shpenzuar mbi 847 milionë euro në tre muajt e parë të këtij viti, ose 11 për qind më shumë se një vit më parë, duke pasur ndikim në fuqizimin e ekonomisë shqiptare.
Tv Klan
