Manastiri i Zvërnecit në Vlorë mbetet një nga destinacionet më të preferuara nga vizitorë vendas e turistë të huaj. “Manastiri i Zvernecit vijon të jetë një nga destinacionet më të kërkuara në Shqipëri. Numri i lartë i turistëve tregon qartë promovimin shumë të mirë të kulturës, traditës dhe historisë vendase”, raporton gazetarja Gerta Haskaj.
Këtë fundjavë ne gjetëm aty një grup turistësh të ardhur nga Gjermania. Ata kishin ardhur për herë të parë në qytetin bregdetar. Ata vlerësojnë këtë destinacion dhe bukuritëe Vlorës.
“Është hera e parë që vij këtu nga Kanadaja, është fantastike. Jemi, në fakt, të interesuar më shumë për historinë.”
“Vijmë nga Anglia. Nuk është hera e parë. Moti është i mirë dhe më i ngrohtë. Na pëlqen këtu. Kemi mësuar edhe disa fjalë, si faleminderit e të tjera.”
“Jemi me pushime. Do të qëndrojmë dy javë dhe gjetëm Vlorën online.”
“Jemi këtu me pushime. Ne donimin të shihnim Shqipërinë. Pjesën më të madhe të kohës shëtisim me biçikletë. Është hera e parë këtu. Impresioni i parë, vendi i bukur me njerëz miqësorë.“
Manastiri i Zvërnecit ndodhet pak kilometra larg nga Vlora dhe është një prej objekteve më të rëndësishëm të kultit në këtë qytet. Vizitorët tërhiqen nga arkitektura e veçantë dhe peizazhi qetësues përreth. Klan News
