Turi flet për largimin nga Vizion Plus: Dorëheqja ishte e pa negociueshme. Në Klan do qëndroj gjatë
Në një intervistë për Gazeta Shqiptare, moderatori Turjan Hyska, ka dhënë disa detaje në lidhje me projektet e reja. Ai është ndalur gjithashtu edhe te largimi nga Vizion Plus, vendi ku u rrit dhe u formua profesionalisht. I pyetur nëse pronarët e televizionit i kanë bërë oferta tunduese për të qëndruar, Turi u shpreh:
“Dorëheqja ishte e panegociueshme, kështu që s’kishte vend për oferta joshëse. Unë kam qenë shumë i lumtur në “Vizion Plus” dhe “Tring” si profesionalisht dhe financiarisht.”
Nga ana tjetër kurreshtja ishte edhe se si kaloi ai në Klan. Turi ka treguar se e gjitha nisi nga një kafe e thjeshtë me pronarin e Klan, Aleksandër Frangaj:
Erdhi nga një kafe e thjeshtë! Ishte marrë vesh që unë doja të largohesha dhe pas takimit të parë, Aleksandër Frangaj tha: “Ti do jesh pjesë e ‘Klanit’ tashmë”, të tjerat janë detaje. Dhe unë kam ardhur në “Klan” për të qëndruar gjatë.
Turi në intervistë tregoi dhe Orinda nuk do e ndiqte në këtë sfidë të re, duke pohuar me pak fjalë se bashkëshortja e tij do vijojë qëndrim në Vizion Plus. Në Klan Turi do të sjellë me vete edhe stafin e “2XL”, dhe do të jetë drejtori i ri i Klan Plus. Moderatori nuk dha detaje të shumta, por u mjaftua vetëm me pjesën që do të ketë surpriza./Opinion.al
