Kryeministri, Edi Rama, do të nisë ditën e sotme turin Ballkanik në prag të samitit të procesit të Berlinit.
Kreu i qeverisë ka publikuar axhendën dy-ditore nga turi në 5 kryeqytete të Ballkanit dhe takimet që pritet të mbajë me liderët e rajonit. Sikurse shihet në axhendë në pritje të konfirmimit është takimi me homogun kosovar Albin Kurtin.
Rama në Kosovë pritet të zhvillojë takim me Presidenten e Kosovës, Vjosa Osmanin dhe kryetarin e Kuvendit, Glauk Konjufca.
Kujtojmë se një ditë më parë, Kryeministri i Kosovës Albin Kurti tha se i ka kërkuar Ramës që të zhvillohet mbledhja mes dy qeverive që u anullua në qershor. Kurti tha se konsideron të arsyeshme që të mbahet një mbledhje e përbashkët e dy qeverive, por jo takime të tjera./Opinion.al
