Dymbëdhjetë persona që udhëtonin me një fluturim të Qatar Airways nga Doha në Irlandë u plagosën pasi avioni u godit nga turbulencat.
“Pas uljes, avioni u prit nga shërbimet e urgjencës, duke përfshirë Policinë e Aeroportit dhe departamentin tonë të Zjarrfikësve dhe Shpëtimit, për shkak të 12 pasagjerëve të lënduar në bord,” tha në një njoftim Aeroporti i Dublinit.
Sipas mediave të huaja, mësohet se incidenti zgjati më pak se 20 sekonda dhe ndodhi gjatë shërbimit të ushqimit dhe pijeve.
Qatar Airways tha në një deklaratë se një “numër i vogël” pasagjerësh dhe ekuipazhi pësuan lëndime të lehta gjatë fluturimit dhe po merrnin kujdes mjekësor.
Linja ajrore nuk komentoi drejtpërdrejt mbi turbulencat, por tha se po hetohet për këtë çështje.
Incidenti ndodhi pesë ditë pasi një fluturim i Singapore Airlines nga Londra në Singapor u detyrua të ulej në Bangkok për shkak të turbulencave të forta, nga të cilat humbi jetën një britanik 73-vjeçar dhe u plagosë 20 të tjerë.
Aksidentet ajrore të lidhura me turbulencat janë lloji më i zakonshëm, sipas një studimi të vitit 2021 nga Bordi Kombëtar i Sigurisë së Transportit të SHBA.
Nga viti 2009 deri në vitin 2018, agjencia amerikane zbuloi se turbulencat përbënin më shumë se një të tretën e aksidenteve të raportuara të linjave ajrore dhe shumica rezultuan në një ose më shumë lëndime serioze të pasagjerëve./Opinion.al
