Shefi amerikan i diplomacisë, John Kerry do të fillojë nesër një tur të ri të botës në vendet e Gjirit, Evropë dhe Azinë juglindore, ku çështja kryesore do të jetë Siria dhe Libia ripozicionimi i SHBA-së në rajonin Azi-Paqësor, njoftoi sot departamenti i Shtetit.
I kthyer dje nga Londra, Kerry do të niset të premten në mbrëmje nga Uashingtoni drejt Jeddah në Arabi Saudite, për takime me autoritetet e monarkisë sunite, me të cilat marrëdhëniet janë përkeqësuar vitet e fundit për shkak të dosjes iraniane dhe siriane.
John Kerry më pas do të shkojë në Vjenë për tre mbledhje ndërkombëtare.
Në fund të javës së ardhshme do të jetë në Bruksel në një takim me anëtarë të NATO-s. Më 22 maj do të jetë në Birmani, për të shprehur edhe një herë mbështetjen e Uashingtonit për tranzicionin demokratik. Më pas do t’i bashkohet më 25 maj presidentit Obama, në një vizitë të rëndësishme në Vjetnam.
Azi-Paqësori është prioriteti i Uashingtonit, një rajon ku Kina është duke bërë bemostrime të fuqisë së saj./BW
