Gjatë mitingut përmbyllës elektoral të PS-së mbrëmjen e djeshme te Parku Olimpik në Tiranë, është bërë viral në rrjete sociale reagimi i deputetit Erion Braçe, gjatë fjalimit të deputetes Olta Xhaçka.
Teksa ajo fliste, kamera kapi deputetin teksa tundte kokën.
Ndërkohë Braçe ka reaguar sot përmes një postimi në rrjete sociale për këtë ngjarje.
Sipas tij, shkaku i atij reagimi nuk kishte të bënte me Xhaçkën apo me atë që po thoshte ajo, por ishte një shenjë bezdie ndaj kamerave që, sipas tij, i kishin shkuar pranë fytyrës
Ai thekson se përmes këtyre lajmeve po prodhohet një gjë e shëmtuar, e cila nuk ka lidhje me të vërtetën.
Reagimi i plotë i Erion Braçes:
“Po pse duhet të jetë kaq e shëmtuar gazetaria?! Zgjodha veç këta dy televizione lajmi, sepse mbajnë edhe emrat A2 CNN dhe EURONEWS
Pra një standard tjetër dhe “lajmi” që prodhojnë është ky dhe kaq i shëmtuar;
Nuk kishte asgjë në reagimin tim të lidhur me fjalën e koleges Olta Xhacka;
Me erdhi kamera para fytyrës dhe i kam reaguar totalisht kameras e kameramanit pas saj:
Nuk e doja e as e dua atë vëmendje!!
Dhe po kaq thjeshtë prodhohet një gjë kaq e shëmtuar, e që realisht nuk ka lidhje me të vërtetën e që të bën të ndihesh vërtetë keq!”
