Këngëtarja Tuna, ashtu si edhe Elvana Gjata është përfolur shumë kohët e fundit për një shtatëzani të mundshme. Javën e kaluar ky lajm “pushtoi” të gjitha portalet online, duke hamendësuar se babai i fëmijës së Tunës mund të ishte i dashur i saj i ri, Patris Berisha.
Ajo jo vetëm që nuk ka dashur ta përgënjeshtrojë lajmi, por edhe ka përfituar prej tij, duke përqëndruar vëmendjen e mediave në klipin e ri me titull “Bermuda”.
Ndërsa tani, këngëtarja me origjinë nga Maqedonia ka zgjedhur të thyej heshtjen duke ironizuar të gjithë ata që mendojnë se ajo është duke pritur një fëmijë.
Tuna këto ditë ndodhet në Tiranë dhe më konkretisht në studion e Flori Mumajesit, me të cilin duket se po bashkëpunon për një projekt të ri. Në facebook-un e saj ajo ka treguar se ndodhet në shtëpinë diskografike të Threedots Production, dhe mbi check in-in ka shkruar me humor “Materniteti muzikës”.
Kujtojmë se edhe Elvana Gjata është pjesë e kësaj shtëpie diskografike. Mesa duket kushdo që hynë aty është e destinuar për të ngelur shtatëzanë më kuptimin muzikor, pra për të nxjerr një këngë që do të bëhet hit./opinion.al
