Miqësia që këngëtarja Tuna ka me Ylli Limanin është bërë shpesh shkak për aludime të shumta se mes tyre ka diçka. Verën e kaluar të gjithë portalet shkruan për një lidhje të mundshme të këngëtares me Limanin. Por pasi Tuna publikoi shtatëzaninë dhe zyrtarizoi dashurinë e saj me Patris Berishën, të gjithë “mbyllën gojën”. Tuna tani ka sjellë në jetë djalin e saj Tian, që për hir të së vërtetës po sjell shumë lumturi në familjen e saj. Por kjo nuk do të thotë që këngëtarja të heq dorë nga jeta sociale. Ajo ditën e djeshme ka publikuar disa foto me Ylli Limanin dhe ka ngacmuar përsëri kurreshtjen e njerëzve. Epo të gjithë duhet ta flenë mendjen se mes Tunës dhe Ylli Limanit ka vetëm një miqësi të mirë dhe asgjë më shumë.
