Në fillim të muajit, Tuna dhe Patrisi u nisën për të pushuar në një prej resorteve më luksoze në Turqi për të kaluar disa ditë pushime. Edhe pse gjatë muajve të verës kanë lëvizuar me pushime të shkurtra, kjo fillimvjeshte, me sa duket, ka qenë edhe më e përshtatshme për të voglin e tyre Tian, i cili ka bërë 4 muaj vetëm një ditë më parë.
Nga postimet e Patrisit në rrjetet sociale dhe nga lokacionet e Tunës, çifti po pushon në një prej resorteve të Alanya-s në Turqi.
Por nuk e paskan kaluar vetëm 4-mujorin e vogëlushit të tyre. Dje, edhe Roberti me Norën janë nisur drejt Turqisë për të pushuar disa ditë së bashku me të voglën e tyre Renee. Edhe ata kishin një datë të shënuar për të festuar: 3-vjetorin e martesës.
Nga postimet në rrjetet sociale të Norës, kuptohet se këngëtarja e ka kaluar mbrëmjen në një event artistik së bashku me Robertin dhe të voglën e saj, ndërsa Patrisi dhe Tuna kanë festuar 4-mujorin me vogëlushin e tyre Tian. Edhe pse dy familjet nuk postuan një foto së bashku, me siguri janë bashkuar për të festuar datat respektive.
Sot, ja ku janë dy vëllezër me dy vogëlushët e tyre, Renee dhe Tian. Dhe pas fotos, me siguri janë ato të dyja. Me gjithë dyshimet dhe spekulimet për marrëdhënien e tyre, Tuna dhe Nora tashmë janë pjesë e së njëjtës familje dhe, të paktën, festat familjare i mbledhin bashkë. Janë apo jo shoqe të ngushta, kjo nuk ka më rëndësi…
