Pas lajmërimit se Presidenti Meta do të mbajë një tubim mbarëpopullor në 8 dhjetor, zëdhënësi i tij Tedi Blushi ka njoftuar se qëllimi i kësaj iniciative është mbrojtja e demokracisë dhe Kushtetutës.
“Nisja e Dialogut të Presidentit META me Shqipërinë ka për qëllim mbrojtjen e Demokracisë dhe Kushtetutës!” shkruan zëdhënësi i Metës.
Ai thekson dhe njëherë qëndrimin e Presidentit për referendum duke thënë se dialogu i Presidentit me qytetarët do të vazhdojë “deri në zbatimin e detyrimit kushtetues për Referendumet.”
Statusi i plotë i Tedi Blushit
Të dashur kolegë gazetarë,
Interesimit tuaj të jashtëzakonshëm, për të mësuar sa më shumë detaje rreth tubimit mbarëpopullor të thirrur nga Presidenti i Republikës Sh.T.Z ILIR META, në 8 dhjetor 2019, në DITËN E RINISË, ju sqaroj se:
Nisja e Dialogut të Presidentit META me Shqipërinë ka për qëllim mbrojtjen e Demokracisë dhe Kushtetutës!
Dialogun e Presidentit META me shqiptarët nuk mund ta ndalë ASKUSH, deri në zbatimin e detyrimit kushtetues për Referendumet.
JEMI TË VENDOSUR DERI NË FUND: DEMOKRACINË NUK E JAPIM ME KONCENSION!
TANI VETËM DEMOKRACI DIREKTE!
TANI VETËM REFERENDUM!
SHQIPËRIA E PARA!
SHQIPTARËT MBI ÇDO GJË! /Opinion.al
