Mbledhja e Këshillit Politik të Reformës Zgjedhore e parashikuar për në orën 17:00, është shtyrë për në orën 19:00.
Sipas raportimeve në media, kjo shtyrje ka ardhur me kërkesë të përfaqësuesit socialist Damian Gjiknuri. Mediat raportojnë se kjo kohë po shfrytëzohet për një komunikim intensiv mes palëve, të cilët janë në negociata me shpresën për të arritur një marrëveshje konsensuale.
Megjithatë edhe pse po kërkohet dakordësia mes palëve, mazhoranca nuk e ka përjashtuar mundësinë që të çojë në kuvend dhe të miratojë reformën pa marrëveshjen e opozitës. Nga ana tjetër, opozita është shprehur se kushti për qeveri tranzitore është i pandryshueshëm. Megjithatë në çdo lloj rezultati në negociata, ajo do të jetë pjesëmarrëse në zgjedhjet e vitit 2021./Opinion.al
