Opozita e bashkuar do të bëhet pjesë e tryezës për reformën zgjedhore, thirrur nga OSBE-ja. Pas mbledhjes së kryetarit të PD-së me aleatët, është vendosur që opozita të përfaqësohet në nivel teknik në konferencën për reformën zgjedhore.
Në selinë e PD-së, fillimisht këtë të martë kanë mbërritur të gjithë krerët e partive opozitare, ndërsa për herë të parë janë ulur në një tryezë Shpëtim Idrizi i PDIU dhe Vangjel Dule nga PBDNJ. Aleatët e PD kanë dhënë sinjale se kanë interes të jenë në tryezë.
Pas këtij takimi në selinë e PD-së, mbërriti ambasadori i OSBE-së, për një takim me kryedemokratin Lulzim Basha.
Reforma zgjedhore dhe mbajtja e zgjedhjeve të lira, vetëm me një kuadër të ri ligjor duket të jetë një ndër kushtet e forta për negociatat e anëtarësimit në BE, ndërsa vijon të mbetet një apel i qartë edhe nga Shtetet e Bashkuara të Amerikës./ Opinion.al
