Partia Republikane dhe ajo Agrare Ambientaliste kanë mbledhur sot në orën 20:00 në ambientet e Kuvendit krerët e partive parlamentare për diskutuar rreth mundësive për zgjidhjen e krizës.
Kreu i LIBRA-s, Ben Blushi kishte konfirmuar më herët pjesëmarrjen, por më pas u pa se në takim e përfaqësonte Mimoza Hafizi.
Përmes një statusi në Facebook, Blushi më pas ka bërë edhe një reagim se përse nuk ishte i pranishëm në tryezë. Ai ka theksuar se nuk pret që kjo tryezë të prodhojë zgjidhje, të paktën sonte sipas tij.
Statusi i plotë:
PSE NUK JAM NË TRYEZË
Duke takuar njerëz të zakonshëm nëpër Tiranë. Nuk kisha pse ndërprisja takimet e planifikuara me ta për të marrë pjesë në një tryezë nga e cila nuk pres ndonjë zgjidhje, të paktën sonte. Megjithatë Mimoza Hafizi është aty në emër të LIBRA, për të kërkuar standarte zgjedhore më të mira dhe mbajtjen e zgjedhjeve sa më shpejt që është e mundur. Kriza ku kemi hyrë, zgjidhet vetëm me zgjedhje të shpejta dhe të shpeshta për të cilat LIBRA ështe gati. Ne do pranonim cdo zgjidhje që garanton garë të ndershme të të gjitha partive dhe kandidatëve pa përjashtim.
