Kryeministri Edi Rama iu përgjigj deklaratës së Presidentit për uljen në tryezën e dialogut të partive politike.
“President ju meritoni gjithë keqardhjen time për sa sapo thatë! Prapë provuat që nuk jeni dot i paanshëm! Unë jam gati për dialog.Pa kushte”, shkruan Rama në facebook.
Më herët përmes një deklarate për mediat Presidenca deklaroi se “Në asnjë rast Presidenti i Republikës nuk ka qenë i njëanshëm, ndaj shpreh keqardhjen për adresimet e sotme me sfond politik të Kryeministrit”.
Më tej, Presidenca tha se Nishani është angazhuar për të krijuar të gjitha kushtet e nevojshme dhe realizimin e një dialogu politik midis maxhorancës dhe opozitës.
Por askush nuk mund të fyejë dhe të keqpërdorë seriozitetin e vullnetit dhe angazhimit, dinjitetin dhe inegritetin e Institucionit më të lartë të Shtetit të shqiptarëve.
