Kryedemokrati Lulzim Basha ka reaguar sërish për situatën e rendit dhe sigurisë në vend, pas ngjarjes së ndodhur në Velipojë. Përmes një statusi në “Twitter”, Basha shkruan se e keqja ka plasur kudo dhe se është pasojë e modelit që sundon vendin.
“Trushpëlarë, apologjistë me apo pa qira: boll akuzuat njerëzit për të keqen që ka plasur kudo! Është vetëm pasojë e modelit që sundon vendin! Peshku qelbet nga koka!”, shkruan kreu i PD.
Ky reagim i kryedemokratit vjen pas statusit të zvendës/kryeministrit Erion Braçe, i cili përmendi reagimet e Kreut të Opozitës Lulzim Basha dhe Presidentit të Republikës Ilir Meta, të cilat i ironizoi duke u shprehur se janë pjesë e urrejtjes dhe grabitjes kombëtare dhe gjithçkaje publike, duke filluar nga Qerreti për të vazhduar më pas grabitjen sipas tij në Hamallaj dhe Lalëz. Sipas tij sarajet e Metës dhe Bashës flasin dhe nga sarajet e tyre nuk bëjnë dot gjyq.
