Trupi i pajetë i shqiptarit Florenc Beqiraj të mërkurën ka dalë nga morgu i Marsejës, tre ditë pasi i hoqën tubat që e mbanin në jetë.
Policia franceze ka nisur hetimet dhe për këtë arsye ka bërë edhe raportin mjekoligjor për shkaqet e vdekjes së Beqirajt.
Ky i fundit u gjet në gjendje të rëndë në qelinë e burgut në Marsejë, ndërsa qëndroi 4 ditë i shtruar në një spital në Marsejë.
Mjekët vendosën që t’i hiqnin tubat që e mbanin në jetë.
Florenc Beqiraj, 23 vjeç ndërroi jetë të premten pasi ju hoqën aparaturat që e mbanin në jetë në spitalin Nord të Francës, ku prej 1 jave qëndronte i shtruar në gjendje kome.
Tragjedia e të riut preku zemrat e të gjithë shqiptarëve që bënë apel për ndihmë për të riun e dhunuar në burgun e Marsejës, ku po qëndronte pas refuzimit të kërkesës për azil.
