Të paktën dhe 5 persona të tjerë janë shpallur në kërkim, për rrëmbimin dhe vrasjen e Jak Prengës. Referuar pamjeve, të kamerave të sigurisë, hetuesit thonë se viktima është nxjerrë nga resorti i mbështjellë me qese të zeza dhe më pas e fusin në një furgon të bardhë.
5 të kërkuarit, besohet të kenë rol aktiv në rrëmbim. I arrestuarit i pestë, Festim Bexhdili shfaqet me lopatë në dorë gjë që tregon se ai ka marrë pjesë në zhdukjen e trupit.
Po ashtu kamerat e tjera të sigurisë kanë kapur edhe lëvizjet e makinës Range Rover teksa ikën nga vendngjarja kur kreu rrëmbimin e Jak Prengës dhe deri sa hyn në biznes.
Hetuesit thonë se ka dyshime për një organizatë që është bashkimi i dy grupeve të forta kriminale.
Çfarë ka ndodhur
Policia njoftoi të martën se 49-vjeçari, Jan Prenga humbi jetën gjatë kohës që rrëmbyesit e tij do ta transportonin në resortin Golden në Shijak, pasi e morën me forcë në rrugën London, në Kamëz. Policia thotë se autorët e rrëmbimit dhe vrasjes janë Bajram Hajri dhe dy djemtë e tij Leonard Hajri dhe Elton Hajri, si dhe dhe Olsi Turja.
Të katërt u arrestuan në një operacion të zhvilluar të hënën nga RENEA. Po ashtu në kërkim është shpallur dhe Altin Hajri, pronar i resortit, ku dyshohet se u mbajt trupi i viktimës, përpara se të zhdukej.
Hetimet kanë zbardhur edhe shkaqet e rrëmbimit të Jan Prengës. Policia tha se ai ka ardhur si pasojë e një konflikti që një nga vëllezërit e viktimës ka pasur me organizatorët dhe rrëmbyesit, për shkak të disa konflikteve kriminale në Britaninë e Madhe./ Opinion.al
