Ndalesa e Volodymyr Zelensky për një vizitë shumë pranë kufirit me Rusinë, në rajonin Sumy, i ka surprizuar të gjithë këtë të enjte.
Presidenti ukrainas së bashku me kreun e ushtrisë së Kievit ka udhëtuar drejt rajonit kufitar dy javë pas fillimit të inkursionit ukrainas në rajonin rus të Kursk.
“Kam vizituar zonën kufitare të rajonit Sumy dhe kam zhvilluar një takim me Komandantin e Përgjithshëm Oleksandr Syrsky dhe kreun e administratës ushtarake rajonale në Sumy”, tha Zelensky në një postim në rrjetet sociale.
Vizita vjen në një kohë kur trupat ukrainase kanë marrë nën kontroll një fshat tjetër në rajonin rus duke arritur të zënë rob lufte edhe shumë ushtarë të Vladimir Putinit.
Zelensky tha se ai diskutoi “hapat e ndërmarra për të forcuar mbrojtjen ndaj Toretsk dhe Pokrovsk” në Donbas, zona të vijës së parë me luftime të ashpra.
Po ashtu konfirmoi se trupat e tij kishin kapur një vendbanim tjetër dhe kapën më shumë të burgosur lufte që do të përdoren si levë për shkëmbimet e ardhshme.
Zyrtarët ukrainas kanë thënë se qëllimet e ofensivës përfshinin krijimin e një “zone tampon” në territorin rus, kërkimin e përfundimit të luftës me kushte të drejta dhe dobësimin e forcave ruse”.
Teksa lufta shtrihet në vitin e saj të tretë, Ukraina ka shtuar sulmet e saj në territorin rus. Një burim në Shërbimet e Sigurisë të Ukrainës i tha AFP se kishin goditur aeroportin Marinovka në rajonin e Volgogradit, duke synuar të zvogëlojnë epërsinë e Rusisë në qiell.
Rusia ka denoncuar ofensivën e Kurskut, në të cilën të paktën 31 civilë kanë vdekur dhe 143 janë plagosur, sipas agjencisë shtetërore të lajmeve TASS.
I visited the border area of the Sumy region and held a meeting with Commander-in-Chief Syrskyi and the Head of the Sumy Regional Military Administration.
The Commander-in-Chief reported on the operational situation across all active combat zones, with a particular focus on the… pic.twitter.com/GvaCEAUBBj
— Volodymyr Zelenskyy / Володимир Зеленський (@ZelenskyyUa) August 22, 2024
