Presidenti amerikan, Donald Trump është zotuar që do t’i goditasë talibanët më “ashpër” se asnjëherë më parë, teksa Shtetet e Bashkuara kanë shënuar 18-vjetorin e sulmeve terroriste të 11 shtatorit të vitit 2001, të cilat kanë nxitur luftën në Afganistan.
Teksa ka mbajtur fjalim e tij në Pentagon, vetëm disa ditë pasi ka njoftuar se bisedimet për paqe me talibanët “janë të vdekura”, Trump tha se në katër ditët e fundit, forcat amerikane kanë “goditur armiqtë tanë më ashpër se asnjëherë më parë dhe do të vazhdojnë kështu”.
Presidenti amerikan po ashtu ka paralajmëruar talibanët kundër kryerjes së ndonjë sulmi tjetër kundër SHBA-së. Përgjigjja do të jetë e atij lloji “që ata nuk e kanë parë kurrë më parë”, ka thënë Trump, duke theksuar se nuk është duke iu referuar përdorimit të armëve bërthamore.
Komentet e presidentit kanë ardhur pasi Ayman al-Zawahiri, lideri i grupit terrorist, Al-Kaida, që ka kryer sulmet teroriste në SHBA më 2001, ka kërkuar përmes një video incizimi sulme në “interesat e Izraelit, Amerikës, Britanisë, Franës, Rusisë dhe aleatëve të tyre evropianë”.
Zawahiri është emëruar në krye të Al-Kaidës, pasi Osama bin Laden është vrarë nga forcat speciale në Pakistan.
Pas nëntë raundesh të bisedimeve me talibanët në Katar, për t’i dhënë fund luftës 10-vjeçare, i dërguari i SHBA-së për paqe në Afganistan, Zalmay Khalilzad, ka thënë se ka arritur marrëveshje në parim me talibanët./Opinion.al
