Presidenti i Shteteve të Bashkuara, Donald Trump ka nënshkruar Aktin për Autorizimin e Mbrojtjes Kombëtare të vitit 2020. Ky ligj parashikon mes të tjerave edhe vendosjen e sanksioneve kundër çdo kompanie që do të ndihmojë gjigantin rus të naftës Gazprom, të përfundojë gazjellësin “Nord Stream 2” në Bashkimin Evropian.
Një nga dispozitat e ligjit kërkon që anijet që janë të vendosura në gazsjellësin rus të përfundojnë punën e tyre “menjëherë” ose do të përballen me sanksione, përshirë këtu edhe ngrirjen e aseteve.
Ky projekt është kundërshtuar fuqishëm nga SHBA-ja, pasi Uashingtoni beson se Evropa do të thellojë varësinë nga energjia ruse dhe do t’i japë Kremlinit fuqi më të madhe mbi shtetet e Evropës Lindore.
Gazsjellësi nënujor do të lejonte Rusinë që të rrisë eksportet e naftës në Gjermani, por kjo e fundit pas njoftimit për nënshkrimin e ligjit deklaroi se ky vendim nuk do të prekë shtetin gjerman, por disa kompani private.
Megjithatë projekti rus, që është në vlerë prej 11 miliardë dollarësh, është vetëm pak javë larg përfundimit dhe ekspertët kanë dyshimet e tyre nëse vendosja e sanksioneve në një fazë kaq të vonë, do të ndalojë këtë projekt./Opinion.al
