Presidenti i SHBA-së, Donald Trump njoftoi ditën e djeshme se ka urdhëruar administratën e tij dhe agjencive përkatëse shtetërore të rindërtojnë dhe rihapin burgun famëkeq të Alcatrazit, në Gjirin e San Franciskos.
Sipas tij kjo ngjarje do të ndodhë në mënyrë që kriminelët më “të dhunshëm” dhe “recidivistë” të mund të dërgohen atje.
“Për një kohë shumë të gjatë, Amerika është përballur me një plagë kriminelësh, të egër, të dhunshëm, recidivistësh, llumin e shoqërisë që nuk sjellin asgjë tjetër përveç mjerimit dhe vuajtjes”, tha Trump në rrjete sociale.
“Kjo është arsyeja pse kam urdhëruar Byronë e Burgjeve, si dhe Departamentin e Drejtësisë, FBI-në dhe Departamentin e Sigurisë Kombëtare, që të rihapin, zgjerojnë ndjeshëm dhe rindërtojnë Alcatrazin për të strehuar kriminelët më të rrezikshëm dhe të dhunshëm të Amerikës”, shtoi ai.
Sipas Presidentit Trump, rihapja e burgut, i cili u mbyll në mars të vitit 1963, do të jetë një “simbol i ligjit, rendit dhe drejtësisë”.
Alcatrazi u cilësua si burgu më i sigurt i Amerikës pasi asnjë arratisje e suksesshme nuk është regjistruar, megjithëse pesë të burgosur janë të listuar si “të zhdukur “.
Aj u mbyll sepse ishte pothuajse tre herë më i kushtueshëm për t’u operuar sesa çdo burg tjetër federal.
