Kur duhen pak orë nga zgjedhjet presidenciale në SHBA, presidenti Trump ka vendosur ti mbajë të larta tensionet me ekspertin më të lartë të sëmundjeve infektive në Shtëpinë e Bardhë, Antoni Fauçi.
Gjatë një tubimi në Florida, Trump tha se mund ta pushonte nga puna Fauçin pas zgjedhjeve.
Presidenti po ankohej për mbulimin mediatik të lajmeve të Covid-19 kur turma shpërtheu në një brohoritje “Shkarko Faucin”, raporton CNN.
“Mos i tregoni njeriu, por më lini të pres deri pak pas zgjedhjeve”, u tha Trump qytetarëve. “E vlerësoj këshillën”, shtoi ai.
Trump tha se Fauci është “një djalë i mirë, por ka gabuar shumë”. Lideri i Shtëpisë së Bardhë më herët ka pohuar që Fauci kundërshtonte maskën në pandemi, megjithëse në atë kohë administrata ishte e shqetësuar për nivelet e furnizimit të pajisjeve mjekësore.
Më shumë se 9.2 milion njerëz në të gjithë SHBA janë infektuar me koronavirus dhe më shumë se 230,000 njerëz kanë vdekur.
Ndërsa Trump dhe Fauci ishin bashkëpunues më herët në pandemi, marrëdhënia e tyre është përkeqësuar ndjeshëm. Fauci ka thënë se ai nuk e informon më Presidentin dhe është zëvendësuar nga Dr. Scott Atlas, të cilit Presidenti i është mbështetur për këshilla për trajtimin e koronavirusit.
Anëtarët e tjerë të task forcës së koronavirusit të Shtëpisë së Bardhë janë ankuar gjithashtu se Atlas po i siguron Presidentit informacione që nuk janë të shëndetshme shkencërisht dhe po pret ekspertë me pikëpamje të ndryshme./ Opinion.al
