Presidenti amerikan Donald Trump është shprehur se do të tërheq Shtetet e Bashkuara nga Traktati i OKB-së për Tregtinë e Armëve.
Vendimi i presidentit vjen pas shqetësimeve të shprehura nga aktivistët e të drejtave të armëve, të cilët theksonin se traktati mund të dëmtojë të drejtën e amerikanëve për të mbajtur armë.
“Nën drejtimin e administratës sime, ne nuk do ta dorëzojmë sovranitetin amerikan tek askush. Ne nuk do të lejomë kurrë burokratët e huaj t’iu nëpërkëmbin lirinë e ofruar nga Amendamenti i Dytë. Pikërisht për këtë arsye, administrata ime nuk do të ratifikojë kurrë Traktatin për Tregtinë e Armëve të Kombeve të Bashkuara. Jam këtu për të shpallur zyrtarisht sot, se Shtetet e Bashkuara do të revokojnë efektet e firmës amerikane nga ky traktat i hartuar keq. Ne do të tërheqim firmën tonë”, tha Trump në takimin e Shoqatës Kombëtare të Armëve (NRA) në Indianapolis.
Traktati për Tregtinë e Armëve u nënshkrua nga ish-presidenti i SHBA, Barack Obama, në vitin 2013 duke e dërguar më pas atë për ratifikim në Senat.
Por, Trump i kërkoi Senatit të ndalë procesin e ratifikimit dhe rikthimin e tij në Shtëpinë e Bardhë, ku ai do të firmos dorëheqjen nga traktati.
Synimi i këtij traktati është rregullimi i tregtisë ndërkombëtare të armëve, ku përfshihen nga armët e vogla e deri te tanket./ Opinion.al E.Xh.
