Presidenti i Shteteve të Bashkuara, Donald Trump, priti këtë të premte në një vizitë zyrtare, Kancelaren gjermane, Angela Merkel.
Në agjendën e bisedës së dy liderëve përfshihej e ardhmja e NATO-s, marrëveshja tregtare Trans-atlantike e firmosur nga ish-presidenti Obama por e anuluar nga Trump dhe konflikti ukrainas.
Vëmendja rreth këtij takimi mbetet e lartë edhe prej qasjes së kundërt që kanë Trump e Merkel.
Presidenti amerikan e cilëson politikën e dyerve të hapura të Merkel si “katastrofë”, ndërsa kancelarja gjermane ka kritikuar hapur urdhrin e Trump për ndalimin e myslimanëve në SHBA.
Dy liderët e mëdhenj do vazhdojnë bisedimet e tyre për më shumë se 2 orë të cilat do pasohen nga një drekë pune.
Presidenti e priti në mënyrë miqësorë ardhjen e saj, megjithëse dukeshin paksa në siklet ndërkohë që pozonin para fotografëve në Shtëpinë e Bardhë.
Ndërkohë që qëndronte në krah të Kancelares gjermane Angela Merkel, Presidenti Donald Trump iu drejtua atyre vendeve të NATO-s të cilat nuk bëjnë “një ndarje të drejtë” për mbrojtjen e tyre.
Ai tha se shumë vende i detyrohen “shuma të mëdha parash” detyrimeve të papaguara të organizatës.
“Këto kombe duhet të paguajnë borxhet”, tha Trump gjatë konferencës së përbashkët për shtyp mes dy liderëve.
Presidenti megjithatë shprehu mbështetje të fortë për aleancën e NATO-s, pasi ngriti pyetje rreth shërbimeve dhe rëndësisë që pati gjatë fushatës së tij zgjedhore.
Qeveria gjermane i ka ulur këtë vit shpenzimet për të rritur mbrojtjen e saj në NATO dhe do vazhdojë ta bëjë këtë gjë.
Vizita e Merkel në Washington ishte programuar për të martën, por u shty për shkak të motit të keq në SHBA./TV KLAN
